الفرق بين الرجل العربي و الرجل الغربي

من طرف fidou الإثنين يناير 11, 2010 8:50 pm

بيانسور كاين فرق كبير بين الراجل العربي و الغربي ...

المهم انتوما شوفو و قولو رايكم

1- كيفاه يحب المراة

الراجل الغربي .... يحبها تكون ناضجة و متفهمة و مثقفة باش يقدر يتفاهم معاها ..
الراجل العربي ......يحبها تكون طويلة و بوقوصة و شعرها طويل و مسبس

- اذا حب الراجل يتقرب من مراة

الرجل الغربي.. يبينلها بللي راهو مثقف ويحترم ويقدر المرأه....
الراجل العربي ... يبنلها بللي راهو فاهم و يعرف 20 طفلة و عندو خبرة فهاذ الدومان

- الراجل لواش يشوف ...

الراجل الغربي ....يشوف لعقليتها و كيفاه تخمم و اسلوبها

اما الراجل العربي ....يشوف لجسمها و شكلها

4- كتاه يقول الراجل نحبك

الراجل الغربي ... يقوللها فالصباح و لعشية و كي يخرج من الدار و كي يرجع .... و كي ياكل و كي يحب يرقد خخخخخ

الراجل االعربي
....يقوللها في اول يوم زواج و يجيبلها ورقة تسني عليها .... و كي يجي
نهار تقولو .. انت علاه متقوليش كلام مليح (حلو) .... واش يدير هو يجبدلها
الورقة باش يفكرها خخخخخخ
- كيفاه يتعامل الراجل مع مرتو و هما فالسيارة .......

الراجل الغربي ....يحكم يدها و يشوف عندها مرة على مرة ..... و يضحك معاها ....

الراجل العربي ....يحكي بالبورتابل ..... و يخمم كيفاه يدور الطونوبيل باش يخبط راسها فالقزاز ..

الراجل اذا غضبت مرتو واش يدير ؟؟؟

الراجل الغربي ....يجيبلها باقة ورد و لا يعرضها لكاش ريستو .....

الراجل العربي .... يقوللها و انتي ذرك كل يوم زعفانة ... راني كرهت ..... افهمي روحك و لا نجيب وحدة....

- اذا حكات المراة فالاسهم و لا الفوتبول .....

الراجل الغربي ... يهدر معاها و يناقشها ....

الراجل العربي ....يقوللها انتي واش يفهمك فالحوايج هاذو ... قاعدة تتفلسفي

تغذى الراجل و خلص واش يدير ؟؟؟

الراجل الغربي .....اذا خلص يلم لماعن مع مرتو و كابابل يغسل معاها

الراجل العربي ....يتكسل على الفوتاي و يقوللها جيبيلي قهوة ..

اذا دخل الراجل على مرتو و لقاها تخدم فالدار ..

الراجل الغربي .... يبوس راسها و يقوللها ريحي روحك شوية ( يا عيني على الحنية )

الراجل العربي ...يقوللها واش مازلتي مخلصتيش ... اوو راني خارج .... تعرفوهم ميحملوش الدار تكون فيها الما

و نقولكم حاجة اخرى .... هو آخر فرق بين الراجل الغربي و الراجل العربي
هو فرق نقطة (غ) ........... (ع)

الفرق بين الرجل العربي و الرجل الغربي Lol