السلام عليكم ورحمة الله وبركاته حياكم الله اعضاء المنتدى كامل من لكبير لصغير احترت اليوم وين نكتب هذ الموضوع الي عندي مدة وانا نفكر نكتبو اولا ممكن ماشي اناس كامل تقدر تحبني هذي حاجة طبيعية بصح على الاقل نقدر نفرض احترامي على الناس المهم اليوم حبيت نطرح مشكلة مقلقتني خصوصا اني على مشارف الامتحانات ونوجه نداء لعضوتين في المنتدى على الاقل اذا كان مش راح يسمعوني على الاقل يقراو واش كتبت الدنيا هذي صغيرة وفيها موت وحياة وممكن غدوة يومي الله اعلم وممن ما نلقاش الوقت باش نستسمحهم او يستسمحوني فاذا كنتو صح تحبوني وحابين تنصحوني حاولو تقربوني منكم وتلاطفوني وتحتوني فانتم الكبار وانا الصغيرة هذ الحياة انا خيرتها وهذ الشخص انا الي راح نعيش معاه بسلبياتو وايجابياتو كامل الناس يحبو ويتحبو كامل الناس مرو بهذ المرحلة وهذ الشخص انا حبيتو واخترتو وروحي متعلقة بيه وسعادتي في قربو منو والا راكم تحبو اكيد تحبو ليحبوني حاولي تكون صح خواتات الي نبكي على صدرهم اذا ذاقت بية الدنيا الي يحبولي الخير تاع الصح ماشي نحس انهم يكرهو سعادتي انتوما بهذ الاسلوب تنفروني منكم وتجبروني على الهروب من المنزل في اسرع وقت انا محتاجة دفئ وحب و حنان الي راني مفتاقداتو حتى من اقرب الناس انا يا جماعة اعامل كالغريبة في البيت حاسة روحي عايشة وحيدة بين جدران باردة اذا كنت مهمومة نخبي في قلبي واذا كنت فرحانه ما نلقاش شكون يشاركني ونهار جيت نحب استكثرو علية حتى الحب المهم مهما واش كان انا نقلهم انتوما خواتاتي وما نقدرش نفرط فيكم مانيش طالبة بزاف حسن المعاملة والنصيحة بالتي هية احسن وضحكة ورد السلاام وخلو الحب يعم دارنا على الاقل ما نحوسش عليه برة انا انسانة حساسة واخيرا نقلكم كنصيحة لكامل الاعضاء الي عندهم اطفال خلو لولاكم الحب والحنان واحترام بعضاهم وخليكم من المادة راهي ما تدي ما تجيب ..................في حفظ الرحمن